Banner

د ارمان پر مزار

08.10.2007 14:06


 

 

 

 

 ژوند مې د ارمان له کوره مړی راوړ، راغــــــلم
مړی مې پر ولو ســــــــــر پرېکړی راوړ ، راغلم
زه د هر ميـن د ميــــــنې تـــــور په غاړه اخـــــــلم
ومې تړئ ځــــــان سره مې پړی راوړ، راغــــــلم
زړه مې پر نښتر وسوو، شناختې د ارمان ته مې
لاړمه له غره نه مــــــې سرګړی راوړ، راغلــــــــم
 نه شرپ شروپ د اوبو و، نه کړنګا د منګوټو
(د ړنګ ګودر له غاړې مې کودړی راوړ، راغلم)
يو خيال و، ماويل جوړ به کړم د شعر ترې امېل
بس لکه خپل روح مې ستړی ستړی راوړ، راغلم
ما يې پېرزونـــــــې د خــــــندا بېرته ورنــــــــــکړې
زړه مې د حسيـــــنو پوره وړی راوړ، راغـــــــــــلم
ګل به شي، ګلان به شي، بوستان به شي حيرانه
دې شاړو مېرو ته مې يو زړی راوړ، راغـــــــلم.

 

 


ستاسو تبصره


لطفاً لاندې افغانستان په انګليسي تورو وليکئ.